ورق دايب
أنا براح في الهوا ممدود
ومخنوق ....مش بيتنفس !!
ولون ضى إتحجب نوره
وشكواه للنهار.......تهمس
بكلمة فيها حرف الأمس
لكن ساكنة ف خيوط الشمس
أنا البسمة اللي ملامحها
بتضحك بس مدبوحة
وانا الفرحة إللي واصلة سحاب
وجايز.....تبقي مسموحة
أنا الأحلام إللي منسية
بتفاصيل نادية وردية
مسافرة ما بين جبال وسدود
سابتني وحيد
ونفسي تعود !!
ماانا الفجر اللي ما طلعشِ
وأنا الوهم اللي......
مش موجود
أسماء عبد الله
ليست هناك تعليقات:
إرسال تعليق