"لو بتحبني
"
----------------
لو صحيح بتحبني ..
كنت تسمع نبض قلبي
اللي مفتاحه ف إديك
كنت تعرف معنى حبي
اللي دايماً بيناديك
كنت ترحم دمع عيني
اللي مشتاقة لعنيك
💓💓💓💓
لو صحيح بتحبني ..
كنت تسهر بالليالي
تفتكر أيام وصالنا
كنت تفتكر الحكاوي
كنت تحيي ذكرياتنا
كنت تشعر باشتياقي
لكلمة حلوة بألف معنىٰ
💓💓💓💓
لو صحيح بتحبني ..
إفتحلي قلبك تلقى قلبي
يروق ويصفىٰ ويحتويك
خليني جنبك تفوز بحبي
دانت عشقي وروحي فيك
محتاج لحضنك وافديك بعمرى
وابيع الدنيا.. واشتريك
----------------------------------
بقلمي : م/ محمود الحريرى
من ديواني"إبتدا بحبك صباحي"
ليست هناك تعليقات:
إرسال تعليق