(زمن الخنفسة)
كلمات سعيد الشبراوي
كتبت فى ٧/٦/٢٠٢١
يازمن متخنفس ومليش فيه
وغصب عنى..... عايش فيه
يازمن بهدلت الشعر ع الراس
والشعر هو زينة ....الراس
مشينا ورا الخواجات فى الهايفة
وبقت اخلاقنا عليهم لايفة
ولاعملنا بدينا ولا عاداتنا
وبقت الخنفسة هى سيماتنا
قطعنا البناطيل من فوق الركبة
وعملنا الشعر ضفاير يادى النكبة
وبقينا بنرطن بالخوجاتى
ونقول جف مى . بدل هاتى
ولبسنا الشورت لنص الفخدة
والناس كلها عينها شايفة وواخدة
واخدة بالها م إلى بيجرى
وفضله علينا ......لسه بيجرى
والموبايل بقى شغلنا الشاغل
للى فاضى ........وإلى شاغل
وبقت اخلاقنا كلها ماسخة
ولدينا وعاداتنا الذاكرة ماسحة
دا حنا زمان علمنا..... الدنيا
طب وفلك وفيزيا.......وكيميا
جه اليوم نستورد.حتى. أكلنا
وفين الطبلية ........تانى تلمنا
فين زمان الهيبة ........بجد
وكل واحد ............وله حد
كان زمان ............الجار اخ
أه يا دماغى ............أخ أخ
رافضك يازمانى بكل ما فيك
ولافيك حاجة.... بس تغنيك
الزبد طاف على..... وش المية
وفاكرينها حاجة ....مية المية
يا زمان غور بكل........ ما فيك
أنا مش عايز .......اعيش فيك
ليست هناك تعليقات:
إرسال تعليق