ليتني أشعر
_______
كتبت الشعر على عجلٍ
لأن الحب أركانه
والعقل ليس ينصفني
والقلب تمادت أفنانه
أفنانه لكن بأفناني
تنهدت فمن تاني
أروح فيه عن نفسي
يراودني الحنين تاني
فكل كلامي أكتبه
وأجمعه وأنشره
سواء أضحكني وأبكاني
بكيت وسال الدمع يروي الشوق
وينمو فيجذبني وأجذبه
أقول تاني
ما أنا عاشق لأفراحي وأشجاني
لأني في حزني أتأمل
وأصيد الفرحة تتكلم
وأصبر نفسي من تاني
تقول نَفسي أقول نِفسي
ألاقي الفرحة من تاني
للشعر أساليب ومشاعر
وليه نحكم عليه بدري
مش جايز إنه هيغير
كدا في حاله
وتسير للدرب عيون القلب
كمان للشعر بحار وبحور
أفرد لشراع الهوى على طول
وأهو بكره جمال الحب يقول
قلبين قلبين في الهوى دابوا
فرع وإحتار وإختار أصلين
شدوه مزعوه وهيسكن فين
بيت لقصيدي بيت لقصيدك
براحة يا أصل شوية عليه
أصل حبيبك هو حبيبه
داوى قلوبنا متصلوا عليه
ديناميكا الشعر في كل مكان
ترصد أفراح ترصد أحزان
والشاعر أهو عايش طبعاً
والشعر هيفتح دكان
دكان الهوى ياسلام ياسلام
إجري يا واد بينا أوام في أوام
وإفرش لأحلامك أي مكان
هات حتى نجوم علق فيها
وإزرع عنباية تغطيها
وإكسي همومك غير يومك
ودوس على جرحك وإديها
إديها حنان إديها كمان
أصل الغلبان ساكن فيها
ماأحنا غلابة وبنحب الصوم
ونحب بلدنا ونعطيها
نعطيها حياتنا ونفدي ترابها
نحمل روحنا على كف الإيد
تلقى أرواحنا من تاني تعيد
مجد بلادنا ودا توبنا
والله توبنا وكمان دوبنا
وهنسكن فيها مش هنسيبها
حتى لو غطانا ترابها
ما أهو أصل تراب بلدي عبيري
ولو مقدرتش فيها أتنفس
أو حتى أعيش تحت سماها
راح أسمي وأنزل سابع أرض
بس الأرض تكون في بلادي
أرض لحبايبي وأجدادي
يا عايشين في الهوى غنيوة
ما أنا عندي كمان غنيوة جامدة
غنيوة قلب كدا تحت الأرض
في بروفة موت
من سطح الأرض لأعماقها
والله عاشق لفضاء ملكوت
وربنا عالم بيا وبيكم
بقلم/وافي إسماعيل الشلبي
ليست هناك تعليقات:
إرسال تعليق