"مش فاكراني"
--------------------
عملت نفسها مش عارفاني
وكأنها من كوكب تاني
أول ماشافتني قصاد عينها
حلفت إنها مش فاكراني
دانا كنت حياتها ودنيتها
وتمَوِّت نفسها علشاني
وإن مرة سافرت بعيد عنها
كانت دايماً تستناني
وتبيع الدنيا عشان خاطري
وبكل كيانها بتهواني
إزاى دلوقت بتنكرني
وتقول إنها مش عارفاني
معقول نسياني ومش فاكرة
تلاقيها عرفت.. راجل تاني
وتعيد القصة من الأول
مع واحد إحتل مكاني
---------------------------------
بقلم : م/ محمود الحريرى
ليست هناك تعليقات:
إرسال تعليق