لقلبي حنين
_________
لامس القلب حنيناً
بعدما إستشرى الأنين
لما شاف ضيك بيرسم
حب فاته من سنين
لما بانت الملامح
ما دريت
إذ به يهيم
الأشواك للورد عادي
والندى سارح وبادي
ما الحنين للأصل دايماً
ولو سلاه مرُ السنين
دا النخيل شاهق وعالي
والقمر دايماً في بالي
والجريد م الحب أخضر
حب قلبي تملي يكبر
أصله فيه عِشرة سنين
ما تهون عليا أبداً
حتى أبداً لن يهون
كنت حابب إني أمزح
هزار مع شوية مجون
حتى يتمايل حنينك
ويا رطبك أعيش وأكون
حتى أكون أو لا أكون
ويا صورتك والسكون
من قديم العمر كُنا
قلبي فيه شمسين وغُنه
برده فيه البنت حُنه
خلوا بالكم تملي مني
أوعوا يوم تتخلوا عني
حتى لو خلص الحنين
بقلم/وافي إسماعيل الشلبي
ليست هناك تعليقات:
إرسال تعليق