خلعت أوتادي
___________
دق بيبان الهوى
دقدق ناقوس الخوف
وسيبك من اللي إنكوى
دوا الجراح موصوف
بالحب كله يكون
واللي يحبه يشوف
نوره بكل مكان
طول الطريق مرصوف
سيدنا النبي غالي
دايماً شاغل بالي
حبه دوا لحالي
ما لكم كدا ومالي
أصل القليب بيطوف
زي حمام الحمى
حول المقام بيلوف
وأستنى ليه يا هوى
خلعت أوتادي
ما عاد يفيد النوى
فجريت بلا زادي
إلي الحبيب النبي
فحبه زادي
زادي وزادي وزاد
فاليوم كميلادي
صرخت فيه للحياة
حملوني أحبابي
لحضرة المصطفي
وحبيت علي الأعتاب
وبنظرة م المصطفي
تتفتح الأبواب
بقلم/وافي إسماعيل الشلبي
ليست هناك تعليقات:
إرسال تعليق