(.في
شرع مين ) م /عبد الحميد سالم
فى شرع مين يا ناس
بتغالوا ف تجهيز بناتكم
خليتوا الفقير بقى محتاس
يداين ويقلد ف جنابكم
******
وف شرع مين يا عم الحج
عايز شبكة لبنتك 100 جرام
ولو عريس جالها أكيد هيهج
اشتري راجل وبلاش تسمع للمدام
******
وف شرع مين يا أم العروسة
50 طقم سرير وشاشة 60بوصة
وغسالتين ونيش الآفاته مرصوصة
وكله بالدين وتبقى الجوازة منحوسة
******
وف شرع مين يا ست العرايس
عايزة شقة تمليك بعقد أخضر
مش شايفة ياحلوة عدد العوانس
واللى ايجار بكره التمليك يتدبر
****
وف شرع مين يا سبع البرمبة
تمشي مع السنيورة وتفلسع
ترضاها لاختك تاخد البمبة
والسيرة الوحشة دى بتوجع
***
وف كل الشرائع قالوا تيسير
والجواز ف الإسلام نص الدين
بطلوا مغالاة ف الجهاز والتبذير
دى الرحمة مطلوبة يا بنى آدمين
ليست هناك تعليقات:
إرسال تعليق