سحر
عبدالمنعم عدلى..مصر
كنت فاكر إن
السحر رسم
وطلاسم على الورق
أتارى السحر
كلام بيسحروا
بيه الناس
نقط على السطور
وكلام معسول
وإحنا مصدقين
ياترى مين
صادق ومين كداب
ولسانا عايشين
تحت التراب
بنصدق الكلمة الحلوة
ناس بتكبر
وناس بتنداس
والأصل مخطوط
فى الكتاب
شبع بعد
مالجوع ملئ البطون
وإتعلم كلام
وكله بالمال
ومعرفش ان
الحكمة فى
أفواه المجانين
صدقنا وفرحنا
وقلنا العلم عندنا
يخسارة على ناس
إشترت التراب
مع إنها من
صنع التراب
والصانع كاتب
على صفحات الكتاب
ستار الدنيا
أسود لايراه
الا الأوفياء
مظلم على
عيون الجهلاء
عيشوا فى ظلام
وإحنا ذى ما إحنا
بنحب الرومانسية
وننسى الواقعية
إضحكوا علينا
وإسرقوا أراضينا
وحطموا الأوطان
وتاريخ الأجيال
بكره المال
يخليكوا أسياد
والناس تنسى
مين الصادق
ومين الكداب
أصله عالم
ملون بالقذح
وإحنا من
الطين وعلى
الطين ماشين
بقلمى عبدالمنعم عدلى
ليست هناك تعليقات:
إرسال تعليق