.💓كفاية مرار 💓
إعتب على قلبك مع قلبي
وكفاية هزار..
ولا عهد ح تحفظ ولا فاكر
للوعد قرار
💓💓💓
كفانا عواذل وبتسحر
بالدوي ودان
لا قلوبنا حسدهم تستحمل
ولا كتر هوان
💓💓💓
اعتب على قلبي وفكرني
بعذابي معاك
وبكسرة روحي واشجاني
طول م أنا وياك
💓💓💓
إعتب ..على قلبي إللي آمن لك
ليه أسامح و أنسى وأغفر لك
تإذيني .ف مُر.. تدوبني
وأرجع من تاني وأشوف منك
💓💓💓
مش ممكن أرجع لغرامك
ولا عايزة الجنة إللي ف دارك
سايباك ولا دمعي ده يغلبني
و ح أسيبك تشرب من نارك
وكفاية مرار
💓💓💓
💓بقلمي/ صفاء الخواجة 💓
ردا على رائعة م. محمود الحريري
(باعتب على قلبي)
ليست هناك تعليقات:
إرسال تعليق