"عشان خاطرِك"
--------------------
عشان خاطرِك...
هالِف الدنيا وهاجيلِك
وجوه القلب راح اشيلِك
بأجمل كلمة هاندهلِك
وساعة الفجر هادعيلِك
عشان خاطرِك...
أشق الصخر بإديا
وادوس ع الشوك برجليا
واجيبلِك م السما نجمة
ياساكنة ف قلبى وعنيا
عشان خاطرِك....
زرعت الورد في البساتين
مليتها بفل مع ياسمين
عشان افرشها قدامِك
واقول خَطِّي يانور العين
عشان خاطرِك....
أبيع الدنيا مش ندمان
وأعيش جنبِك في أى مكان
واضحي بروحى علشانِك
ياَنبض وريدي والشريان
------------------------------
بقلمي؛
م/ محمود الحريرى
ليست هناك تعليقات:
إرسال تعليق