الله عليك
------------------
الله عليك
دي الصورة فيك متحيرة
بلدى وأصيل
زى النسيم
فيك منورة
فى عز النهار
بَشوف إيدك مخضرة
تروى فى شعير
والتانية ما سكه المنقرة
فلاح ومصرى
باني الحضارة يا وله
وبعد النهار
ع البيت بتمشى
بضحكه حلوة .
وتعدى كبرى وقنطرة
ولحظة وصولك
ترمى همومك
على باب حارتنا
والسهرة تحلى فى المندرة
وقبل الآدان تقوم وتسرح
والخطوة منك
تهز شارع ..
والله أنت حتة سكرة
الله عليك
دى الصورة فيك متحيرة
----------------------------
بقلم *صــــلاح ســعد *
ليست هناك تعليقات:
إرسال تعليق