يا ولاد الحلال
..................
حبيبتى تاهت ياولاد الحلال
راح أجيب كام منادى ودللال
تعالوا معايا ونادوا ويايا ياعيال
راح أقولكم كام علامة على خدها شامة
على صدرها مشاء الله ومصحف وهلال
فوق جبينها الصلاة قرة عينها قايمة ليلها أستغفار دعاء وابتهال
ربى كمان ذاكرها فى القرءان
كل إللى شافوها بالحب
وصفوها بصفات الكمال
تشوف فى صورتها هاجر أم إسماعيل وأم وأخت موسى
وأسيا بنت مزراحى ومريم
بنت عمران
دى كل أواصفها اللى يشوفها
راح يعرفها فى الحال
ياولاد الحلال
هى راحت برجليها ولا غموا عينيها
وخطفوها وأسروها الأندال
خدوها وسابوها فى الأدغال
فى سوق النخاسه باعوها بكام دولار ولا بكام ريال
هى تاهت ولا ضاعت محدش قال
قريب مكانها ولا بعادها بالأميال
أنا بالعشق حامل الامها وأحلامها
بقلبى غرام وعشانها عايش رحال
بقالى سنين طوال على دا الحال
لا نامت عينيا ولا هدى الشوق ولا أرتاح البال
ياعم يامنادى روح أنت من النحيادى
وأنتوا تعالوا معايا دوروا ويايا
ياولاد الحلال
إللى ح يلاقيها له منى الحلاوة
صنية بسبوسة وصنية بقلاوة
ووظيفة كبيرة مع العلاوة
بس دولونى عليها وأنا أخد بأيديها
وأشيل من على عينيها الغشاوة
أنسيها ماجرى ليها من قساوة
أدويها من سنين الغل والغباوة
وأجيب لها توب الفرح نقاوة
أزرع بساتينها بالمحبه والغناوة
أمشى وياها طريق الأمل بالهداوة
وأحنا فى أحسن حال
ياولاد الحلال
..........
بقلم..الشاعر
الأمير_ محمود
ليست هناك تعليقات:
إرسال تعليق