ورجعتى تانى
*********
مرة تانية رجعتى تانى
عمرى مانسيتك ثوانى
كنت من غيرك بعانى
وعشت ادورع الامان
ولما جيتى قلبى خدنى
للخيال والقرب فادنى
كان زمان حبك ساندنى
كله شوق حب وحنان
كنتى فين وانامش لاقيكى
وكان فيه ايه عنى مداريكى
من غير عتاب قلبى مناديكى
وجيتى نورتى المكان
مش راح اندم ع اللى فات
بس ح أحيى الذكريات
وانسج الشوق بورد الامسيات
وتنورى الدرب اللى عاشقك من زمان
ورجعتى تانى لحضن قلبى
وح تمشى تانى ف سكتى وتعيشى حبى
اوعى تنسى ان دربك هو دربى
وحنبتسم ونرجع الماضى بحنان
رجعى البسمة اللى بتنور حياتى
امحى كل القسوة ومعاها اهاتى
كنا نتحاور ونتسامر ليلاتى
بكره احلى بالمحبة والامان
******
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق