ياطير ياشادى
********
ياطير ياشادى وانت مروح
بجناحك لحبيبى تلوح
تهديله سلامى واوعى تنوح
وتقوله حبيبك هنا صاحى
ابعت له ياطير ميت الف سلام
غنيله ياطير اشواق وغرام
قوله انت معايا وفى الاحلام
مداويلى الامى وجراحى
ياطير ياشادى وبجناحك
بترفرف بيه هو سلاحك
وتعبر بيه عن افراحك
مرسال للخير وانت سماحى
ياطير ياشادى غرد نادى
بلغ لحبيبى انه فؤادى
وطير فى السما فوق الوادى
حقق لى منايا وافراحى
وصله ياطير كل سلامى
روح قوله ياطير انت غرامى
وفى صحوى انا شايفك ومنامى
على بالى نايم او صاحى
وارجع لى ياطير قول قال لك ايه
فاكر حبى بقا ولا ناسيه
ولو يوم يرجع بالروح افديه
والحب دوايا واصلاحى
وارجع لى ياطير تلاقينى صاحى
******
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق