شكرا لمجلتي الغالية أمواج وبحار للشعر والعلم والثقافة 2
التي أتاحت لي سجال هذا الدويتو مع أ. Ahmed Sayed Ahmed.. .⚘خد بالك م إللي جنبك ⚘
⚘⚘⚘⚘⚘⚘
صفاء
حاسب م الخسة ....وناسها
واللي ما راعي ضمير ولا دين
كله مباح يعمله.. بوقاحة
ناسي المولي . وأصله الطين
أ. أحمد
لو ق حياتك حد خسيس
مالى بغدره قلوب الناس
أعرف إنك عنده رخيص
رحمة قلبه ما ليها أساس
خليك واعى و واخد بالك
و اياك تغلط فى الإحساس
صفاء
طيبة قلب البعض تخلي
كل خسيس يمرح وبيلعب
لما قلوبنا تكدب.... إنه
بلوعه.و زيفه يخليه يغلب
أ. أحمد
عارف إن الطبع الطيب
لازم يهزم طبع جبان
لكن صاحب الخسة قريب
حالف يسقى الكل هوان
طبعه يقرب م اللى مآمن
يلدغ لدغة و لا التعبان
صفاء
لازم نتعلم ...بالخبرة
لازم نعرف...كل خسيس
و هنكشفه من أول لحظة
مهما يحاول..بالتدليس
أ. أحمد
حاول تاخد بالك منه
إوعى يقرب و انت ناسيه
د اللى الخسه بتجرى ف دمه
بيخاف لو تعرف أراضية
حاسب على نفسك من غدره
و اعرف إن الحقد ماليه
صفاء
أوعي تآمن... للي يبيع
والفهلوي وأبو دم خفيف
يلعبوا بيك والهوا دهنوه
دوكو .مامنهم حد عفيف
أ.احمد
حرس حاسب م الأوباش
اللى بياكلوا الحق بلاش
و اياك م اللى كلامه لطيف
و اللى يعيش الدنيا طناش
صفاء
هو قليل الأصل بينسي
إيد بالخير والود راحت له
ينكر. حقد ماليه. ما يهمه
غير الهبش بيشبع. غيرته
أ.احمد
كل خسيس ناقص من يومه
عمره ما يشبع مهما اديته
عايز حد يلم همومه
و يوصل له الفرح لبيته
صفاء
خسيس من يومه..... بكاني
وخلاني اخاف اعمل كده.تاني.
وأمد... إيديا ... بعطايا
واساعد حد.... محتاج لي
يعض إيديا.... يهاجمني
وينكر خيري. ف ثواني
أ. أحمد
خايف إنى انسى و أسامح
قليل الأصل من تانى
يوقعنى ف مرار طافح
يزود فيا أحزانى
صفاء
أصل الخسة أشكال وألوان
اللي بياكل عيشك. ملحك
يفتش سرك ويقول عنك
ويجيب فيك بوضاعة طبعه
اللي ما فيك... ويزود همك
أ.احمد
كل خسيس عارف و مدقدق
تلقاه حرامى أو نصاب
إوعى يكون وياك و تصدق
إنه هيبقى من الأحياب
ندل بيوعد لكن يخلف
كل كلامه الحلو سراب
صفاء
النصاب ده حرامي آراري
يحكي يخلي القلب يوماتي
يشفق علي ويلاته وحزنه
يكبش ويفك له. أزماته
يوم ما يسد. سداده شماتة
يهرب ويصدر.... وقاحاته
ماتصدقش إزاي نصباته
صدقتها... فيه..و إتخميت
أ.احمد
ليه راح تغدر باللى مآمنك
و اللى مسلم لك ف مصيره
تسرقه بعد اما اطمن لك
و تروح و تدور على غيره
بكرة الأحزان تيجى لعندك
تشبع م الدمع و تأثيره
صفاء
والمتملق منه تحاسب
والنمام أبو وش بزيف
يسهروا......عندك.
ياكلوا في... خيرك
تصبح تلقي الحي كلامه
عن أسرار أهلك و البيت
أ.احمد
إوعى تعاشر حد يخون
أو يوم تفتح له باب بيتك
عشرة عمر عليه بتهون
تناديه و لا يسمع يوم صوتك
صفاء
زي اللزقة ف .....كل طريق
تلقي.خسيس. يا. ملاوع ليك
يقفوا يأرروا فيك يا مغيث
جوه كلامهم.... يكمن .آر
قلب وعقل ضميره خبيث
أ.احمد
وسط الشارع لما تفوت
راح تلاقيه واقف يصطاد
ضحكته صفرا تشوفها تموت
سحنته يتفات ليها بلاد
عينه بترشق جوه بيوت
يقتل بيها بنات و ولاد
صفاء
أيوه يا ساتر منه و حقده
مش راح آآمن.. أبدا .ليه
اللي بيوعد يوم ويميل
عن أخلاقنا وعن طبايعنا
ناس للخسة ملاها. غليل
أ. أحمد
خايف مرة أقع وياه
و اسمع منه كلام معسوب
قلبى يميل أو يمشى وراه
و امشى وراه زى المسطول
و القى ف ثانية فلوسى معاه
و ابقى ساعتها أنا المسئول
صفاء
أوعي لنفسك. فوق ما تميلشي
كل كلامه..... لعطفك عايز
منه ح يغرف..يبقي الفايز..
وانت ياعيني عليك معذور
جوه دروبه .بتمثيله .غارز
أ.احمد
هاخد بالى و عمرى ما اميل
و اسمع يوم لواحد نصاب
د اللى الغدر لقلبه دليل
عمره ما يوم يبقى له صحاب
صفاء
طول ما الواحد...... مننا عايش
يوم نتعلم... يوم بنعاني ...
دايما نبقي كمان ...بنقاسي
تيجي أيامنا ساعات.. تهادينا.
إما بناس.. تسعد .. ليالينا
أو بخسيس عايش يعادينا
لازم نبقي... تمللي.. بناخد
بالنا.. .ونبعد... عن أعادينا
أ.احمد
واخد بالى من الأندال
ماشى ف حالى و عال العال
و اللى هشوفه بيسرق يوم
و بيلبس لبس الأبطال
أنا راح اجيبه و راح اربيه
راح اعيشه عيشة الأبطال
صفاء
هي نصيحة... لمننا فينا
اوعوا الخسة ف يوم تضنينا
وتخلينا ف يوم ما..نساند
اللي حقيقي ف حاجة إلينا
ربي يديم الستر...علينا
يبعد عنا خسيس و خسيسة
جوه قلوبنا .. تدوم حكاوينا
عن أحبابنا..بكل الخير
ليست هناك تعليقات:
إرسال تعليق