هان الود
_______
عيون القلب بالملايين
وليه للحب فيه خاينين
أتاريك يا حب ليك ١٠٠لون
ولازم قلبي يعمل زووم
عشان اليوم وبعد اليوم
مفيش غير اللي قلبي هواه
وأعيش وياه
وروحي وقلبي يبقوا فداه
يا ضاربين الهوا دوكو
تعبنا خلاص وعشنا الآه
وإزاي نسمة هوا تجيكم
في عز الآه
وحنين قلبي حواليكم
ما ينطق فاه
يا قلبي خلاص ولا يهمك
هسيب نسمة ردى تضمك
تقول الآه ٢٠٠ مره
وتدوق م الكلام مُره
وتنسي إن ليك خاينين
عشان تقدر تعيش لسنين
كمان تعرف تعيش بحنين
وآه يا سنين وآه يا سنين
وضاع رسم القلوب للعين
وهان الود ع الخاينين
فمنذالحين وصارلي يقين
بأن اللي إنكتب موجود
يعيشه القلب وتشوفه العين
بقلم/وافي إسماعيل الشلبي
ليست هناك تعليقات:
إرسال تعليق