ردا علي رائعة الأستاذة صفاء الخواجة قصيدة
(مالوش إجابة)
...*( جيني ليه )*...
من سنين الحب بيعته
النهارده جيتني ليه
من زمان ضيعت عمري
حتي جرحي قفلت عليه
جيتني ليه تاني النهارده
جي تاني تعمل ايه
مش ح أصدق قلبك تاني
مهما حلفت انشالله بإيه
......................
خونت العهد بيعت الحب
بيعت كل دقيقه من عمري
كنت احبك وأسأل عنك
وانت تحب وكنت تخبي
عمر الحب م حير قلبك
ولا فكرت عليا تعدي
كنت تملي الشوق تداريه
بعد الحب م عذب قلبي
.....................
اوعي تفكر إني اسامحك
والا اخدك تاني ف أحضاني
وحياة سهري ايام وليالي
م حتخطر ابدا علي بالي
عايزك تعرف معني القسوه
وتشرب من نار حرماني
وتنسي إن أنا حببتك
وان انت الخسران ف بعادي
.......................
وعليه صدقت شاعرتنا القديرة استاذة صفاء الخواجة.
...*( مالوش إجابة )*... ولا رجوع
بقلمي/اسماعيل عبدالهادي ابوالعلا
ليست هناك تعليقات:
إرسال تعليق