فى حبك ادوق
*******
يانسمة شوق معدية
ياساقية القلب حنية
هواكى فى قلبى كالميه
فى عز الحر للعطشان
يابستان للأمل دايم
محمل شوق ونسايم
وقلبى بعطرها هايم
وحبك ليا بر امان
لقاكى جنة للساهر
فى ضى البدر نتسامر
وشوقنا فى قلبنا عامر
وقلبك صافى كله حنان
فى حبك ادوق معاكى الشهد
وقربك ليا أجمل وعد
وطول العمر صاين عهد
وحاسس انى انا السلطان
بحبك ادوق ملذاتى
واتوج كل يوم ذاتى
وانسى الحزن وآهاتى
وانسج بالامل فستان
رحلة هواناعمر طويل
ونعيم لقانا عطر جميل
من سحر عينك قلبى يميل
واحس عمرى وابات فرحان
وادوق فى حبك اجمل شوق
وروحى تنده ييجى شروق
وفى نور قمرنا الضى يروق
نعيش حياتنا وأحلى زمان
*******
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق