تسلمي يا شده
خواطر
+++++
تسلمي يا شده يالي عرفتيني
عدوي من صديقي...ياما اتكلمت
لحد ما تعبت ونشف ريقي والحمدلله
اتعلمت أخيراً وعرفت طريقي
أنا قررت أقفل علي نفسي وادخل
في القوقعة لو سمحتوا محدش ليه
دعوه بيا وماتحالوش تخرجوني
تاني خلاص أنا بعيد اكتشافي من
جديد ماتقولوش إني انتهيت وتحطوني
في حساباتكم علشان العيش والملح أرجوكم
خرجوني من حياتكم ومش عايزة أصعب
عليكم...يمكن تكون دي هيا راحتي ... أنا
مشفتش منكم حنان جايز تحن عليا الجدران
مباقتش اتحمل حسره وأحزان أرجوكم لما حد
يجيب في سيرتي أو لو في يوم بتحكوا حكايتي
اكتبوها من غير عنوان
سحر أحمد محمد
ليست هناك تعليقات:
إرسال تعليق