.💓مالوش إجابة 💓
ليه راجعلي بالاماني
بعد م الزمان سلاني
والسنين فاتت و عدت
والمكان مبقاش مكاني
.......
ليه عايزنا تاني نرجع
هو بعد الجرح ينفع..
نمسح الدموع وخوفنا
ونبتدي تاني الحكاية
........
لأ ياغالي. قصدي
ياللي كنت... غالي
كل حاجة جوه مني
والهوى. أرضي وسمايا
.......
عمر فات وليالي وإحنا
ف البعاد دوبنا روحنا
بعنا. دوحنا وكل بوحنا
وانتهت بينا الرواية
.......
إنسى .ويلا بينا نمشي
نطوي كل حنين وننسى
لو بإيدي ماكنا.. ضعنا
أو سمعنا..للوشاية
........
قسمة ويا نصيب أ
خدنا
لسكة كانت مكتوبة لنا
هان ودادنا. وحزن جانا
بالفراق .كتب النهاية
....
مش هفكر .مش راح اسأل
ليه وإمتى وكان وفين
أسئلة تايهة..وغريبة
كلها..ملهاش إجابة!!!
.....
💓بقلمي/ صفاء الخواجة 💓
ليست هناك تعليقات:
إرسال تعليق