هي وهو
(آدم وحواء)
*وإشهد يازمان*
--------
هيه!!!؟
بحبك يا أسمر
وف بعدك مش بقدر
وبسرح وبفكر
إمتى هاتجيني
**
هوه!!!؟
أنا زيك وأكتر
ياملبن وسكر
دانا فيكي بسهر
وبعادك على عيني
**
هيه!!!؟
ياحبيبي
بلاش الغيبه
خليني جنيك قريبه
وحشاني الطيبه
وألاغيك وتلاغيني
**
هوه!!!؟
ياحبيبتي
موش بمزاجي البعاد
ولا غربتي في البلاد
عايز أرجع أحسن واد
وتيجي تقابليني
**
هيه!!!؟
والله
على عيني غيابك
أنا بتمني تراااابك
وأشوفك قداام بابك
وأملي عيني بشبابك
ونلحق سنينك وسنيني
**
هوه!!!؟
أللقا بميعاد ووقت
وأنا ليكي إشتقت
وف عيونك سرحت
ونفسي أقول فرحت
وبلاش خالص توصيني
**
هيه!!!؟
أنا ف إننظارك جنبي
يحس قلبك بقلبي
أحكيله المستخبي
بشوقي وحنيني
**
هوه!!!؟
حاضر أمرك أمر
يا حياتي وكل العمر
وحشاني خدودك الحمر
وكلامك إللي بيغذيني
**
هيه!!!؟
حبيبي
تسلم وتعيش
مش عايزه غير العيش
أو حتى قراقيش
وطبطبه! ماعليهش
ولما أتعب تداويني
**
هوه!!!؟
بعد الشر عنك وبعيد
يفضل قلبك سعيد
وربنا يقرب البعيد
وبكره ييجي العيد
إفتحي الباب إستنيني
**
((وإشهد يازمان))
مافيش تاني حرمان
فيه حب وحنان
وحيات ربنا وديني
---------
الخال عصمت البيلي
ليست هناك تعليقات:
إرسال تعليق