بلاش الوداع
********
ليه عايزة تودعينى
وتبعدى عنى تسيبينى
بعد ما أحلوت سنينى
وبيكى ازدانت الأيام
وجايه بتقولى وداع
هو خير الدنيا ضاع
ولا مش باقى متاع
ولا اتلغت كلمة غرام
لسه فى الايام كتير
ولسه فى البستان عبير
نبتسم نضحك نطير
بالمحبة والمودة والسلام
كان قرار ولا دمار
كان وداع ولا انكسار
شمس غابت فى النهار
خلت القلب فى غيام
لقيته جارى دمع عينى
ازاى حتمشى وتسيبينى
ذكريات غالية وحنينى
شفتها وعشتها أحلام
لو صحيح كلمة وداع
يبقى كل هوانا ضاع
يبقى حلم العمر باع
ويبقى ع الدنيا السلام
لأ بلاش الانصياع
للوساوس والضياع
شفت نور الفجر شاع
واللى جاى حب ووئام
********
جمال على الشرقاوى
شاعرالعامية
مليج منوفية
ليست هناك تعليقات:
إرسال تعليق