( نسيت اوشش الودع )
يا مجهزين طبلكم دلوني انتم فين
حزمت انا دنيتي .. رقص غراب البين
شمتوا فيا العدا .. فرحتو ناس تانين
حسيت بقرب الصفا .. أكلت أنا كفين
واحد عشان قلبي الأبيض
والتاني م الخاينين
قلت الغلط عندي انا
معرفتش ارمي بياضي
بعد أما اوشوش الودع
كان قالي أنتم مين
يا اللي سجنتوا جثتي
روحي في السماء طايره
حره بتبدر أمل وحراسها
هناك قمرين
يا مجهزين الكفن ودموعكم ع الخدين
سامحوني يا اسيادنا
روحي بإيد اللي خلقها
وفروا دموعكم
طريقي واحد عمره ما كان طريقين
وحسن ظني بربنا بيكفيني شر الشين
خالد سعد
ليست هناك تعليقات:
إرسال تعليق