عبيد الزحمة
إعمل واجب وإنزل شاغب
أشجب وأرفض وإرفع حاجب
خلي مطالبك ملهاش سقف
وخليك بقف وقول مش عاجب
زاحم زاحم إوعى تخاف
خش و هز إكتاف وإرداف
أصل الزحمة لحوم متلاحمة
واللي بيسمع غير من شاف
خش و هز دي ساعة حظ
و أول شرط في علم الهز
تعمل محفوظ عبد الدايم
ماشي تملي بمبدأ طظ
ياللي تملي بتخرب فيها
ياللي عايزها عاليها واطيها
قول لعشيرتك واللي وراك
خدوا زعزوعة ومصمصوا فيها
مصر أكبر منكم بكتير
ما تخشوش عش الدبابير
تعملوا فيها ٧ رجالة
تلقوا الدب وقع في البير
بقلم طارق السيد
ليست هناك تعليقات:
إرسال تعليق