طبطب على نفسك ( 215 )
..............................
طبطب على نفسك وبنفسك ..
ما يحس بوجعك غير نفسك ..
لا يغُرك قولنا وسوينا
ولسان بيهد اللي بنينا
ولا وش مزقطط من الفرحه
جواه من النار قايدة وسارحه
قالوا أيد على أيد خمسه وتوره
وإتلموا إتلموا نأخد صوره
أتاريها تبان أكتر و أكتر
وبتكشف إنا المحظورة
طبطب على نفسك وبنفسك
ما يحس بروحك غير نفسك
في الصوره وشوش قاطعين عوده
وشوال سلامات والنار زايده
ما تطفي يا عم أنت وهو
سيبك من الوش النار جوه
هتمثل على نفسك وا
لا
عايش في الدور شكلك قله
طلع طلع نضف قلبك
كده بان وشك بسواد غلك
أفراح غيرك ليه بتشلك
فركش بينهم دوب سمك
ما بلاش تقرأ شايفك دايخ
إسند حالك كل ده رايح
ضامن يومك بص كويس
غيرك فين راح وده كان ريس
طبطب على نفسك وبنفسك
ما يحس بروحك غير نفسك ..
بقلم .. صبري رسلان
ليست هناك تعليقات:
إرسال تعليق