حلاوة روح
خواطر
++++++++
بالرغم من جمالي لكني كنت عايشه حلاوة روح
كنت انسانه بسيطة لكني فجأة سكنت القصور
كان كل شيء حوليا بارد عقلي عمرة ما استوعب
اللي أنافيه وفكري دايما شارد
مش مصدقه نفسي إن أحلامي بقت مسجونة
بين الجدران
باصرخ لكن مارحمنيش السجان دورت ع الخلاص
لقيت الشاطر حسن قولت حلمي اتحقق وح خرج
من ألأحزان لكن الكل استكتر عليا الفرح
وإني أخرج من العتمه واعيش
قالولي إنت أميرة بس أنا مش عايزة الجاه
والقصور
ياريت ارجع تاني فقيرة كنت مرتاحه البال ومبسوطه
دلوقتي عايشه في سجن وجروحي كتيرة
أنا صحيح فارقت الحياة لكن لسه عايشه في قلوبكم
أوعوا تنسوني واحكوا حكايتي لأولادكم وأحفادكم
قولولهم عن الأميرة اللي حبت الشاطر حسن
#سحر أحمد محمد
ليست هناك تعليقات:
إرسال تعليق