🍁بيقولوا في بعدي🍁بقلم الشاعر/ خالد عبد المعطي

 بيقولوا فى بعدى قلبك سعيد

و قدرت تبدأ من جديد...

..

و نسيت كمان كل اللى كان

و قلبى اللى  صان أصبح وحيد..

..

يا قلب اقسى من الزمان

يا حلم عمره فى يوم ماهان

ازاى قفلت بينا البيبان

و رميت هوانا فى مكان بعيد ..

..

كل الاغانى و الذكريات

عايشين معايا ما فارقونيش..

بسرح فى حبك مع صوت نجاه

و اضحك و هانى بيقول 

شاريكى ماتبعيش..

و ارجع و ابكى على اللى فات

و مياده تقولى خليه يعيش..

فى القلب حبك ما ينتهيش

و انادى عليك بصوت فريد..

..

الدنيا بعدك غربتنى

حتى عن نفسى و روحى..

و الابتسامه كمان فاتتنى

و ما عادش ليا غير جروحى..

و بقول يا ريتك و بقول يا ريتنى

و يفيد بايه صمتى و بوحى..

يا عيونى نوحى 

على عشق كان هو الوحيد..

..

بيقولوا فى بعدى قلبك سعيد

و قدرت تبدأ من جديد..

..

#خالدعبدالمعطى