إهداء إلي صديقى العزيز
وشاعرنا المتألق دائماً
أ. اسماعيل عبدالهادي
صاحب البرنامج الرائع "سجال"
قصيدة"الورد والحب"
--------------------------
الوردة أجمل هدية
تهديها للمحبوب..
ووردة واحدة بِتِغْنِي
عن كام جواب مكتوب
وفيها أجمل معاني
تفتح جميع القلوب
وتْلَيِّن قلب قاسي
تلاقيه بسرعة يدوب
🌹🌹🌹🌹
بستان الورود مليان
من كل شكل ولون
دى وردة حمرا تقولَّك
بحبك بكل جنون
ودي وردة بيضا جميلة
وبياضها يملا الكون
وآدى البنفسج حزين
مليان أسى وشجون
ودي وردة صفرا غيورة
والغيرة مُرَّة....
لو معاها ظنون..
🌹🌹🌹🌹
الوردة دايما تِفَتَّح
لما تشعر باهتمام
ولو سِبْتَها ونسيت
تدبل وتموت قوام
خد بالك من حبيبتك
سَمَّعْهَا أجمل كلام
خليها تعيش فِ قلبك
عَيِّشْهَا ف أحلى غرام
تلاقيها صاينة ودك
وتعيش معاك فِ سلام
🌹🌹🌹🌹
دخلت بستان الورود
أقطفلي كام وردة
احترت بين الورود
ولقيتها حاجة صعبة
دى كل الورود جميلة
تملا القلوب بهجة
بس ف جمال حبيبتي
ما لقيت ولا وردة
--------------------------------
بقلم : م/ محمود الحريرى
ليست هناك تعليقات:
إرسال تعليق