قلبي الضعيف
بقلمي
عبدالحميد السماحي
فاكر دموع الأمل
لما اتظلم قلبي الضعيف
وانا بنادي واقولك نادي
وانا بدور عالرغيف
ياما سهرت الليالي فى العمل
وانت شايف جسمي النحيف
والخوف من بكره اللى تاه
وسط الفراق ياخفيف
عمري ماتعلمت السخافه
ولاكنت فى يوم عمري سخيف
انا اللى تاه عمري مني
علشان عيونك ياظريف
آه والف آه عالحب اللى ضاع
هو اللى باع بدون تكليف
ياحسره عالحب اللى مات
وجنازته واقفه عالرصيف
بتشيعه كل القلوب المتبعتره
حتى الطيور وكل شريف
فى وسط المحاكم مات انفهر
والقاضي بيحكم تحت التكيف
والرصاص بيموت فى الشعوب
والدم نازل شلال نزيف
ماتت خلاص دنيا البراءه
والفيتوا مابيتنطقشي غير عالضعيف
فاكر دموع الأمل
لما اتظلم قلبي الضعيف
ليست هناك تعليقات:
إرسال تعليق