أسألوا حبيبى.
تعرف أيه عن الخيانه؟؟
قلت أسألوا حبيبى.
حسيت بالمهانه؟؟
ده عايش بس لتعذيبى.
ليه صبرك ع الأهانه؟؟
قلبى مكنش بأيدى.
روحوا أسألوه روحوا أعرفوه
روحوا اسالوا حبيبى.
قصدى سبب تعذيبى.
من بره تلاقوه ملاك ووديع
كأنه زهره فى عز الربيع.
من جوه أنسان واطى ووضيع.
كأنه نار بركان فظيع.
وفى الغدر كان أستاذ حقيقى.
روحوا أسألوه روحوا أعرفوه
روحوا اسالوا حبيبى
قصدى سبب تعذيبى.
روحوا أسألوا قلبى الرخيص
إزاى بجرحه قادر يعيش
ومعاه ألام مابتنتهيش
سببها حب بيجرى فى وريدى.
روحوا أسألوا بحر الدموع
عن جرح ساكن فى الضلوع
عن قلب طفالى الشموع
وزرع بدالها بستان دموع
وحصادها كان فى يوم عيدى.
روحوا أسألوا سنين الضياع
عن قلب لابس ميت قناع
عن حب كان وهم وخداع
وفاتلى جرح معايا ف صراع
سهران معايا ولا حيله بيدى
روحوا أسألوه روحوا أعرفوه
روحوا أسألوا حبيبى
قصدى سبب تعذيبى.
كلماتى إبراهيم الحداد
ليست هناك تعليقات:
إرسال تعليق