قصيدة (( يا اللي بتقول للام أف ))
يا اللي بتقول للام أف
انت تستاهل ألف خف
أمك في رحلتها بيك
عاشت كل لحظة عنف
من أول لحظة كانت
وهيا لكل راحة سابت
كانت شباب
وبسببك هيا شابت
والحلاوة عنها غابت
تاكل وتلعب ف بطنها
وهيا قليل حتى نامت
ممكن تجيبك للدنيا
وهيا قليل لو عاشت
جي تقول دلوقتي أف
انت تستاهل ألف خف
كانت بتكلم نفسها
وانت ساكن جوا بطنها
كانت تقول انت شمسها
وأما تكبر هتكون ضلها
خليك فاكر ان دمك
اللي فيك هو دمها
وكل الناس يا سيدي عندك
لو حطوهم في الميزان
اكيد هيطب كفها
جي تقول دلوقتي أف
انت تستاهل ألف خف
ياما سهرت عليك الليل
كنت لو يوم مريض
كان اكلها بكا وعويل
كنت لو ضحكت وقتها
كات الفرحة تملا قلبها
دا انت اغلى حاجة عندها
هوا ده رد الجميل
جي تقول دلوقتي أف
دا انت تستاهل ألف خف
مهما كبرت انت طفل
عند الناس انت واحد
لكن عندها الف الف
وصى ربك في كتابه
وصى بيها الدين والعرف
خلي بالك
مش هتلاقي ف حنانها
لو لفيت الدنيا لف
جي تقول دلوقتي أف
دا انت تستاهل ألف خف
..... بقلمي
....... رمضان محمد محمود
ليست هناك تعليقات:
إرسال تعليق