(فرج قريب يارب)
ياللي بتسألوا عن أحوالي
أبوس في إديكو سيبوني في حالي
إنتوا بتسألوا وا
لا بتشمتوا
مانتوا ياناس عارفين أحوالي
أنا الغلبان أنا التعبان
أنا الصدمان أنا العدمان
أنا إللي دنيتي طحنت فيا
بنعل رحايا حجر صوان
نفسي أرتاحلي يادنيا شوية
نفسي أحس إن أنا إنسان
ولو يوم واحد خالي أذية
حياتي كلها عشتها حرمان
فين الرحمة فين الحنية
نفسي أشوف شكل الألوان
اللون الإسود مالي عنيا
ودايب في الهم أنا دوبان
ولو بالصدفة زارتني الفرحة
ألقى نسور الدنيا الجارحة
بتنهش فيا ياناس علشان
لحمي أنا موصوف ليها دواها
ماترتاح إلا ماعضمي يبان
يارب إفرجها عليا يارب
إفرجها يارب يافالق الحب
إرحم ضعفي وقلة حيلتي
يارب العرش أجرني يارب
بقلم طارق السيد
ليست هناك تعليقات:
إرسال تعليق