خلاص
______
يا خلق من أصل التراب متبعترة
آخرتها ايه فرش التراب بالمقبرة
الدنيا دي لو واسعة هي صغيرة
فيها البخيل فيها الفقير فيهاالثري
فيها البئيس فيها الصبور فيها الطري
فيهااللي بان من غير كلام زي الهوى
فيها اللي ساب أهله وصحابه وإنزوى
فيها إنسجام ماضغ لبان داقق دفوف
فيها اللي قلبه بيتمزع من ضرب الكفوف
على ايه لهوف وبتجري في ضي السراب
لو فيه سحاب إركب معاه زي الغيوم
وإنزل لأقرب أرض وإروي الشجر بالخير
وأحصد أمل يا بني وبلاش أذية غير
عيش الحياة وردي زي الحمام بيطير
باني لعش جميل بين الشجر عالي
ليه مستحيل يا أصيل دي بسمتك حالي
غالي عليا أكيد دايماً على بالي
يا ناس قولوله أنا بالغرام ساكن ومتحني
لا عمري يوم ولا مرة أقوم وأبعدك عني
مستني ايه على طول أوام تعال هنا جنبي
فارش بساط القلب ليك والفرح بالنيني
أصل الحياة لحظات سوا حتماً وهنفارق
يا مين يعيش أبداً مفيش غيره هو سبحانه
خلاص وداع طبعاَ وداع خلاص يابني آدمين
وافى اسماعيل الشلبي
