...*( غلطة واحدة )*...
هي كانت غلطة واحدة.......... والا بديه غلطتين
والا قليي ملهوش دية............ لما تغلط مرتين
لما اسهر كل ليلي........ حتى ليلي ملوش نهار
وانت قلبك لسه خالي............عايش ليلك زي نهار
هي برضه مش تبقى غلطة
والا يبقو ا غلطتين
جاي تاني تقول سامحني..وارجع انسى الليل وطوله
والا قلبي اللي هجرته.......والا حكاية عمر بطوله
هي الغلطة تبقى ايه .......لما تروح وتقول عدولي
واماتقسى وتاني تنسى.......واما تشمت فيا عزولي
هي برضه مش تبقى غلطة
والا زادوا غلطتين
هو الحب فى طبعك ايه....اني احتار فى غرامي معاك
واما تهجر اترجاك....وارجع تاني ادوب فى هواك
وارجع اسأل نجم ليلي... هو صحيح وياك سهران
والا قلبه لسه خالي....... مش مجرب نار حيران
هي بس دي الغلطة
والا زايده حبتين
اما تفكر يوم تجيلي........ تبقى تفكر الف مره
واياك تقسى اويوم تنسى......... والا تكرر نفس الغلطة
عايزك تبقى معايا شريك.........عايز قلبي معاك يرتاح
نزرع جوه قلوبنا مودة .......ونعيش بكره ليالي ملاح
تبقى الفرحة
ساعتها بقلبي
بدل الواحدة يبقوا اتنين
************************"
بقلمي/اسماعيل عبدالهادي ابوالعلا
ليست هناك تعليقات:
إرسال تعليق