......😄أبو عمو😄...
أنت إتجنيت يا أبو عمو...
عاوز تاكل كفيار...
أخرتها تروح للمنكر...
تاكله وتروح النار...
دب الويكة إتخلقت لينا...
والكرشة مع المنبار...
والعدس الأصفر فينه؟..
ده الفول هو المسمار...
واللوبيا أم عيون سودة...
وجبنة معاها خيار...
يا سلام لو جبت كوارع...
ودلقت عليها بهار...
أترم العضم وتسند...
وتطول فى الأعمار...
أوعاك تاكل همبرجر...
وتجيب للعيلة العار...
أو تاكل بيفي ولانشون...
وتسمع للاشرار...
أديها ملوحة ورنجة...
ليلك راح يبقى نهار...
من يوم الأكل الجاهز...
ما دق علينا الدار..
والصحة بقت هفتانة
...
وعشتنا بقت ف مرار..
ولا طب نافع فينا...
ولا وصفة من عطار...
كلماتى علاء محمود
ليست هناك تعليقات:
إرسال تعليق