🌹دنيا الكدابين🌹
هو فين صدر الحنان
إللي ياما بكيت عليه
وأما ضاقت دنيا بيا
كنت أروح وأشكي إليه
****
فين عيون بالطيبة داوت
قلبي . لما بات حزين
فين إيدين بالعطف طافت
ع الخدود ويا الجبين
****
راحوا ليه؟وسابوني أأقاسي
جوه دنيا ..الكدابين
والدموع جوه فى عيوني
سايلة حزن معاه أنين
****
كان منايا يبقوا جنبي
ملجأي الحلو الأمين.
بس ياخسارة بفراقهم
ضاع هنايا ومات سنين
****
سندي راح يوم موت أبويا
وأمي كل الطيبين..
شوقي ليهم ماله مرسى
أو بموجه تعوم سفين
****
راحتي غابت .. لما غابوا
والفرح بقى شيء ضنين
والله وحشوني وأمانة
ااقروا فاتحة. نقول آمين
****
🌹بقلمي/ صفاء الخواجة 🌹
ليست هناك تعليقات:
إرسال تعليق