وهي دامت لمين
**************
نجري ونتسابق
مع الزمان فى سباق
واللي كسب رايق
ويا الثراء مشتاق
ع الخلق يتعايق
بغناه ناسي الخلاق
ولا يوم طعم مسكين
ولا نظرة للفقراء
وهي
دامت لمين
ما تعيشها بالأخلاق
ياناس دوام الحال
عارفين بأنه محال
واللب فى حياته فقير
رزقه على المتعال
بكره يجيله يوم
ويبقى عال العال
وهي دامت لمين
دي كل ساعة فى حال
واللي يصون لقمته
يزيد معاه المال
عايزين نعيش احباب
ونوصل الارحام
غني ماينسى فقير
ويدوم مابينا السلام
ونرضي رب كريم
ونزيل مابينا الخصام
وان كان فيه بغض وكره
نبدأ مكانه وئام
مابقينا عايشين فى غابة
وحلال مكانه حرام
وهي دامت لمين
ياناس كفاية خصام
****************
جمال على الشرقاوى
شاعر العامية
مليج منوفية
ليست هناك تعليقات:
إرسال تعليق