انتي
انتي البحر اللي بالجأله
لما اكون عطشان
انتي الأمل اللي بحتاجله
لو يوم قلبي كان زعلان
غربتي فى حضنك وطن
وجنبك ببقى مش قلقان
انتي شمس منوره
في ليالي التوهة والأحزان
وقمري لما يغيب
بيظهر حسنك الفتان
ينور قلبي وفؤادي
ويعوض حرقة الحرمان
يا فاتحه لقلبي قلبك
بلا استئذان
يكونلي سكني ومدينتي
لو يوم توهت فى العنوان
وجودي سطر فى كتابك
فاتح فرع فى حسابك
ده انا برمي الهموم على بابك
وعندك ببقى كلي أمان
ما انتي البحر اللي بالجأ له
لما اكون عطشان
وانتي الأمل اللي بحتا
جله
لو يوم قلبي كان زعلان
السيد صالح 💖
ليست هناك تعليقات:
إرسال تعليق