قهوتـــــــــي
------------------------------
امبارح كنت فى حالي
لقتني فى قهوة فى غمضة عين
دخلت شربت واحد شاي
زى البني آدمين
وهناك واحد واخد طوله
بيلعبله عشرتين
وشوية ودخلت هيَ
بجنز ونظارة ومعاها اتنين
طلبت شاي خمسينة
وراحت تاكل ف رغيفين
وسجارة تجر سجارة
والشيشة جنبها صنفين
وكلمة تجر كلمة
قالت إحنا صحفيين
ولحقوق الناس بنكتب
أصلنا عارفين
ضربت الكف ع الكف
وقلت دول مش مصريين
دول عايزنا نعيش بالعكس
ونمشي فى سكة طين
وخرجت وانا مش عارف
شرب الشاي ده
مين
-------------------------------------------------------------
مع خالص تحياتــــــــــــى (* صـــــلاح سعــــــد *)
ليست هناك تعليقات:
إرسال تعليق