أصل إلحكاية
حابينها
إحنا النسر
إللي علي جبينها
إحنا الدم
اللي ف شرايينها
إحنا الشمس
وإحنا الليل
والأهرام
وإحنا النيل
وإحنا العلما
جيل ورا جيل
إحنا الضحك
وإحنا الجد
إحنا الأول
أول حد
وإحنا السبت
وإحنا الحد
ووقت م نبني
أول يد
إحنا القمح
وإحنا سماره
وإحنا الكرم
وإحنا دياره
والضيف إحنا
إللي بنختاره
إحنا عشاه
وإحنا فطاره
إحنا نحب
الخير للغير
وإحنا الغنوة
إللي مع الطير
وف أفراحنا
نحب الشير
تاج فوق راس
الدنيا بحالها
إحنا صباها
وإحنا جمالها
وإحنا اللحن
إللي ف موالها
إحنا عيالها
وحال أحوالها
إحنا أصحاب
القلب الصافي
ولأحبابنا
الحضن الدافي
بنطبب
ودوانا الشافي
إحنا الفلاح
ماسك فاسه
ومدرس
قلمه وكراسه
والشعر إحنا
وإحنا احساسه
وإحنا حكاية
حُب كبير
حُبنا لها
من غير تفكير
م الحب من القلب
العاشق
أبداً مش محتاج
تفسير
م أصل إلحكاية
حابينها
......
انا كنت ...فارد ضحكتي
ودراعي ده فبحرك ..شراع
انا كنت ....عارف سكتي
راح اجبلك الحق اللي ضاع
ومهما كانت....... رتبتي
همسك اللي خان واللي ..باع
فداكي عمري ....وصحتي
فيكي بطل .....قوي ..شجاع
الشهاده دي ........امنيتي
وبا
يدي بشاورلك .....وداع
.........وداع يابلدي..............
................اموت انا وبلدي تعيش
.........
سيف عثمان
ليست هناك تعليقات:
إرسال تعليق