أعظم عيدية
بقلم الشاعرفهمى محمود حجازى
عيدت ع الجدع قبل الصبية
وكنت يابطل أعظم عيدية
حلفت لتصون الوطن
و قدمت روحك في العيد هدية
لجل الرجولة تصرخ جوه صدرك
هموت بطل رغم اللي فيا
كم. طلقة نفدت فى الجسد
وقُلت أقاوم بالبقية
وكانت الباقية كم نفس
طاهر عطر الأرض الأبية
اللي شالت فوقها راجل
حلف يشيل المسئولية
وكتبت فوق الأرض إسمك
مش بحبرك لأ بدمك دي العيدية
صرخت الأم وزعقت
ابني ياروحي يا نور عنيا
كنت حاسة بك وانت بتقول الوصية
و قُمت مفزوعة وصدري
ضاق حرك الأم اللي فيا
كنت حاسة بأول طلقة فيك
قو
قُلت يمكن أرتاح شويه
زادت الدقات فى قلبي
وكأن الطلقة جاية فيا
رُحت صارخة من الآلم
صدري ضاق إيه القضية
وجه الخبر إبني مات
رُحت باكية والدموع دبحت عنيا
وروحت صارخة بأعلى صوتي
لأ ما ماتش هو مزفوف ع الحورية
هو دافع مهره روحه
وعشان اليوم ده عيد راح يودلها العيدية
بقلمى فهمى محمود حجازى
ليست هناك تعليقات:
إرسال تعليق