..(( شايفك بقلبي ))....
بقلم د /عمر عبد الجواد
اهداء لبنت أخويا يوم عقد قرانها ...
*************
شايفك بقلبي من بعيد
بتقول عني و تعيد
شايل صورتي
و تجيب في سيرتي
و تحكي عني و تزيد
شايفك بقلبي من بعيد
م انا قلبي دليلي
فى نهاري و ليلي
يحكيلي عنك و يشكيلي
أنك من غيري عايش وحيد
شايفك بقلبي من بعيد
شايفك و حاسس بيك
و هوايا باين ف عنيك
و مَفيش حاجة تعنيك
غير لقايا بيك فى عمر جديد
شايفك بقلبي من بعيد
ليه علة قلبك بتقسى
و لمركبك مش لاقي مرسى
و تعند و تبعد و تنسى
ان قلبي عاشقك أكيد
شايفك بقلبي من بعيد
هو الغرام عندك حرام
ليه تجيني فى المنام
تصحيني و تخليني
م أعرف أنام
و اسهر معاك فى
ليلة عيد ؟؟
شايفك بقلبي من بعيد ...
★★★★★★★★★
د/عمر عبد الجواد عبد العزيز
ليست هناك تعليقات:
إرسال تعليق