يا وطن لملم جراحك
يا وطن خليك شديد
ابنك إللي صان كفاحك
ع الحدود ميت شهيد
مين خانك و استباحك
من خيانته جرحك يزيد
كان قاصد يضيق براحك
و ف حروبك قاسي عنيد
افزع وارفع له سلاحك
و اسقيه مرار وصديد
قوللي ليه شايب شبابك
و ا
نت في عز الربيع
مخبي عنا كشف حسابك
دا اللي يخاف، حقه يضيع
يا وطن ليه طال عذابك
و ماعادش سدك منيع
ليه دايما مكسور جناحك
ليه توطي راسك للوضيع
عود لأحضان ولادك
نشتريك بالروح مش نبيع
بدوي محمد
الثلاثاء ١٧ مايو ٢٠٢٢
ليست هناك تعليقات:
إرسال تعليق