فدائي
________
أيوه فدائي وقلبي جسور
صوت الحق ف وش الزور
روحي حياتي لبلدي واصونها
لاجل مايفضل ولدي فخور
مهما العتمه هتفرض جورها
هالضم سيرها بخط النور
دمي سواقي بتروي عطشها
قلبي مداين ليها تثور
روحي سفاين ليها تعدي
تطلب ودي هاعدي بحور
أيوه شهيد وأبويا وجدي
بستان وردي ف حضن الحور
عشت يامصر وعلمك نخله
تطرح نور في الأرض البور
=======
بقلمى سامح توكل أبوالسبح
ليست هناك تعليقات:
إرسال تعليق