قسمة و نصيب
قالوا الجواز قسمة و نصيب
انا قولت الكلام مش كده
خالص
لا حكمنا شرع و لا عقل و لا دين
ولا حاجة من دي
خالص
إللي مشيت ورا قلبها
واللي مش عارفة تحكم عقلها
واللي ابوها مش هنا
خالص
واللي مستعجلة
على جواز بنتها
واللي عايزة تخلص
من فقر وهم أهلها
واللي أبوها ما لوش وجود
خالص
قالوا عنده ايه و معاه كام
ونسيوا يسألوا عن
دينه و اصله و مبدأه
ولا أبوها سأل عليه
خالص
قالوا ضل راجل
ولا ضل حيط
لا طلع عنده سكن
ولا شقة ولا غيط
ولا حاجة من دي
خالص
امها خايفة عليها لتعنس
و تسيبها من غير
انيس ولا ونيس
ولا عيل بيه تتونس
خالص
اول مشكلة بينهم
كانت على القايمة
و امها مش عارفة
ان كانت صاحية ولا نايمة
وابوها نايم نوم فى العسل
خالص
وابوها
لا يشغله غير مزاجه
اكله وشربه وسجايره ومعسله
الحاجة بعنيها تبصله
وان خالفها بلسانها ترصله
ده راجل مالوش لازمة فى الوجود
خالص
شوية قاعد عند امه
وهى قاعدة عند امها
وجوزها لا شغلة ولا مشغلة
و مكبر دماغه من كل حاجة
خالص
راجل مش نافع طبلة ولا طار
وحرام العيشة معاه
خالص
يابنتي
مافيش غير الصبر
وربنا يخلصك من كل دول
خالص
بقلمى
محمد يونس
ليست هناك تعليقات:
إرسال تعليق