......*( كيداهم )*......
أنا عايزك ف الحال تقوليلي
إيه خلي العزال يتلموا
اكمني دوبت وحبيتك
يا غزال فتان وجميل دمه
كيداهم برموش قتاله
وعيون يشوفوها ولا يسموا
أنا قلبي حبك إكمنك
في القلب. منقوش دقاته
خيلاهم بجمال الخطوه
والخد ورد من البلدي
رايداهم تكويهم الغيره
تمليهم غيره وتعدي
وإن قالوا انا ليه حبيتك
تقوليلهم عشقاه طول عمري
أنا روحي متعلقه بيه
وهواه صحاني من بدري
يا نبض قلبي وقناديله
يا غرامي وروحي ونور فجري
تعيشي ليا يا كيداهم
وعوازلك بالغيره يتهنوا
ليست هناك تعليقات:
إرسال تعليق