هم النفس
بقلمي / عبدالحميد السماحي
حطيت راسي مع الروس
هما ناموا وأنا لأ.
بقيت زى الساقيه بتروس
تدي لغيرها وهى لأ
شِلت جبين الهم العالي
من المرارة قلبي شقه
حيرتي صارت للجيوش
يحرروها من المشقة
من إنكسار الدنيا تشمل
تاخد من الغير حقه
تشرب مياه السما وتحكي
وعند الحر بيه ماتلقى
الكل راضخ لفتراها
وإيدي متشبكة رافضة
يادموع الهم عني سيري
إتحددي فى أى خلقة
إكسري قلبي الحزين بجروحي
غني بيه منين مايفضى
فين دى روحي فين صفاها
أشفطيها فهى شفطة
ياينام مع الروس إللى ناموا
يايقابل ربه وهى شاربة
* ** *
مش خسارة فى الموت أموت
ما أنا أنخلقت ليه وللقدر
بس بتصعب علينا الدموع
نمشي نتخبط فى الشجر
لقمة العيش بالحيرة مذلة
قولي ليه نركب الخطر
علشان نعيش ييجي المطر
علشان حصون الخير بنفدي
ومين يموت عليه ننفطر
مين يقدر ع الغيب ينجم
علشان نعيش لازم حذر
* ** *
ياليل الهم عدي
ياجذور الفجر تعالي
خليني أخد ماسبشي
حقي وكل إتطهادي
سهران أنا ومبنمشي
وأقول ياواد ده عادى
ياشوك بيشكشك ضلوعي
يادهر كفاية تطاطي
من الآه وجعت ضرسي
واللسان صار يهاتي
ياخطاط أكتب ودون
ع الحطان كل حياتي
أكتبها بفرشة خضرة
علشان يشوفوها الأعادي
يتمنوا مني نظرة
خلاص ماينفعشي الساعة دي
* ** *
شاغلاني وشاغلة نفسك
على إللى بيجيبه القدر
أعمل ايه ماهو ده حظي
وأعمل ايه فيك يامنحدر
أما أموت أبقى ماشي
أكتبها ع الشجر
وقولي دي حياته
خدو منها بس العبر
وقولي دي حياته
كفاية عليه كده يابشر
ماهو خيره كان بقسوة
زى ندى الشجر
* ** *
ياطيور النخل العالي
ميل وأسقي الحمام
علميه إزاي يصحى
علميه إزاي ينام
ويتمنى الرضا يرضى
يبقى حمامة سلام
ساعتها الروس هتصحى
ومعاهم هو ينام
ويبقى مع القدر
بقلمي
عبدالحميد السماحي
مصر 🇪🇬 محافظة كفرالشيخ
قرية الشمارقه
ليست هناك تعليقات:
إرسال تعليق