👍المشي البطال👍كلمات الشاعر/ علي أبو المجد

 .......         ....     ...   (المشي

البطال)...        ....   .........

إحكي يا قلم  احكي  وقول ..واسمع  مني  آخر القول .؟

إسمعنى يابنى وإسمع ياصاحبى اسمعوا مني الحكاية ..

..حكايتي فى الدنيا راحت ف ثانية   وكانت النهاية ..

.كنت بطل م الأبطال فى رفع الأثقال ..انتهى بيا الحال لده  الحال.،.

.خليك يابني سليم .وإمشي  يمين ..وأوعى شيطانك يجرك لسكة  شمال

وتبص للهلس إللى يضرك والمشي البطال ....

.ده المشي البطال ياما هد أبطال ..وياما دمر ناس .. وضيع يابني  رجال أنا كنت زمان  بطل من الأبطال ..والكل بيحكي عني .ويغني بالموال .

.وأهو أنت شايف حالى وإللى جرالى .عجزت قبل آواني ..

وجسمي  صابوا  هزال.  وكل ده .م المشي البطال ....

                                    ....*...

  والبداية نرجع تانى بالقول ..

مرة قابلنى صاحبى وقاللى انت معزوم ..قلتله على ايه  أنا معزوم .. قال .على سهرة فرفشة ..وغُنا ورقص ودندشة. تنسيك الهموم ...

قلتله بلاش ملهاش ياصاحبى لزوم .. قعد يلح عليا . ويقول المرة دية  مجتشي ياسيدي من يوم..

رُحت وسهرت معاه.لعبت وشربت وياه .لحد ماعقلي تاه...

ومرة  ف مرة  جابت مرة.ل حد..ماجيت ف مرة  .وقعت ومقدرتش أقوم؟.  ....من يومها الحال اتغير .كبرت ف وقت صغير .وضاع مني شبابي. والصحة عمالة تتدهور....والحال مش هو الحال  .. وراحت مني الشهرة.وضاع  مني المال ....بالمشي البطال.*؟..

واسمع آخر  القول.....خد نصيحتي وقصتي..من عبرة وموال ...

طول ماكنت بصحتي ....تغنيني عن السؤال ..

 أهم حاجة يابني .السعادة وراحة البال..

واوعى اصحاب السوء ..  

  وتضيع نفسك ..

...             ..فى المشي البطال.*؟.....

.....؟؟...

علىابو المجد م