حوار
*******
قالتله مين قساك عليا
مفيش فى يوم أديك هدية
قام قال لها حقك عليا
انا بشقى لجل احنا نعيش
قالت ودمع العين يسيل
وياك أنا والهم أشيل
يكفيني كلمة ومنها أميل
قال عمري كله ميكفكيش
إحنا سوا ماشيين طريق
وأنت أب وأخ وصديق
قال وأنت لي أجمل رفيق
ويكفي لقمة بجبنة وعيش
قالت ولادى جنتي
وأنت فؤادي ودنيتي
قال وأنت كل منيتي
وولادنا تاج زيه مفيش
كده الحياة تبقى هنية
وسترها أجمل هدية
ورزق ربنا ده عطية
والبيت سعيد لو كان بخيش
كده الحوار ملهوش مثيل
بين زهرتين ورد وخميل
بستان أمل هادي وجميل
والسر جوه مينحكيش
رب السما ليهم معين
وقلب صافي وفيه حنين
حيعيشوا على مر السنين
والحب شمعة متنطفيش
********
جمال على الشرقاوى
1اعر العامية
مليج منوفية
ليست هناك تعليقات:
إرسال تعليق